Юныя ляснічыя з Машканскай школы ў чарговы раз даказалі, што яны ў ліку лепшых абаронцаў прыроды.
Работа валанцёрскага атрада “Варты” школьнага лясніцтва ў рамках рэспубліканскай акцыі “Аднавім лясы разам!” атрымала высокую адзнаку. Так, па выніках конкурсу сярод устаноў агульнай сярэдняй адукацыі, які і праводзіўся падчас дабрачыннага экалагічнага мерапрыемства, у намінацыі “Самы актыўны клас” пераможцамі названы юныя машканцы.
За перыяд правядзення акцыі намаганнямі хлопчыкаў і дзяўчынак было зроблена шмат, расказвае кіраўнік школьнага лясніцтва Алеся Валодзькіна. Валанцёры высадзілі каля 7 тыс. елак і бяроз, добраўпарадкавалі тэрыторыі паркаў, зон адпачынку. А яшчэ майстравалі шпакоўні, фірамонавыя пасткі для барацьбы са шкоднікамі, абгароджвалі мурашнікі. Вырабляли і раздавалі інфармацыйна-агітацыйныя лістоўкі, якія расказвалі пра важнасць захоўваць прыроднае багацце.
Заслужаныя ўзнагароды школьнікі атрымалі ў час урачыстага мерапрыемства, што прайшло на базе Віцебскага лясгаса, з рук яго дырэктара Сяргея Лындо. Таксама для хлопчыкаў і дзяўчынак у якасці падарунка была арганізавана экскурсія ў музей воінскай славы Варонаўскай школы. На брацкай магіле, размешчанай у населеным пункце, ушанавалі хвілінай маўчання памяць загінуўшых салдат.
Мэтай экалагічнага выхавання з’яўляецца фарміраванне экалагічнай культуры навучэнцаў. З упэўненасцю можна сказаць, што з гэтым пытаннем у Машканскай школе спраўляюцца на выдатна.
Ала ЯКАЎЛЕВА.
Фота прадастаўлена А.Валодзькінай.
За девять месяцев 2024 года на экспортных торгах Белорусской универсальной товарной биржи реализовано 1,9 млн…
Объем взаимной торговли продовольственными товарами и сельскохозяйственным сырьем с Азербайджаном за последние пять лет вырос…
Торжественное мероприятие, посвященное Дню учителя, прошло в районном центре культуры и народного творчества. Участие в…
Президент Беларуси Александр Лукашенко поручил вернуться к программе по развитию Полесья. Об этом он заявил…
В Палату представителей внесены проекты законов "О республиканском бюджете на 2025 год" и "О бюджете…
С 7 по 18 октября на Сенненщине пройдет республиканская информационно-пропагандистская кампания «Молодежь за безопасность!». Ее…