Лідзіравалі пытанні зарплаты

Прыёмы грамадзян па пытаннях, якія тычацца норм заканадаўства, што рэгулююць сферу працоўных і звязаных з імі прававых адносін, прайшлі ў раённым аб’яднанні прафсаюзаў і Сенненскім ПМС.

     Меліяратары і іншыя грамадзяне мелі магчымасць задаць пытанні галоўнаму прававому інспектару Віцебскай абласной арганізацыі Беларускага прафсаюза работнікаў будаўніцтва і прамысловасці Дзянісу Фурсаву і пракурору раёна Ігару Лісоўскаму, паведаміў памочнік пракурора раёна, юрыст 2 класа Станіслаў Падалінскі.

Нягледзячы на вызначаную тэматыку мерапрыемства, наведвальнікі звярталіся па самых розных пытаннях, але ў асноўным звароты тычыліся своечасовасці выплаты і налічэння заработнай платы. Усе заяўнікі, якія прыйшлі на сумесны прыём, атрымалі тлумачэнні па сваіх пытаннях.

У раённым абъяднанні прафсаюзаў і прадстаўніцтве Белдзяржстраха па Сенненскім раёне таксама сумесна з пракурорам раёна прыём грамадзян правёў старшыня Віцебскай абласной арганізацыі прафсаюзаў работнікаў лёгкай прамысловасці Віталь Камароў.

Таццяна Буракова.