Провели время с пользой. Спортивно-оздоровительный лагерь на базе Сенненской СДЮШОР за время осенних каникул посетило 30 человек

 Падчас восеньскіх канікул на базе Сенненскай СДЮШАР дзейнічаў спартыўна-аздараўденчы лагер. Карэспандэнт “ГС” у адзін з дзён канікулярнага тыдня завітала ў новы фізкультурна-спартыўны комплекс, каб даведацца, як адпачываюць юныя сенненцы.

Экскурсію па лагеры пагадзілася правесці яго начальнік, трэнер -выкладчык па лёгкай атлетыцы СДЮШАР, інструктар-метадыст па фізкультурна-аздараўленчай і спартыўна-масавай рабоце ФСК “Алімп” Вольга Вераценнікава.

— У ФСК створаны спрыяльныя ўмовы для адпачынку і заняткаў спортам, — дзеліцца Вольга Уладзіміраўна. – Штодня трэнерскім складамдля дзяцей арганізуюцца  спартыўна-масавыя і выхаваўчыя мерапрыемствы.

Наведваюць лагер  30 выхаванцаў сенненскай спартыўнай школы.  Для дзяцей наладжана трохразовае  харчаванне. Сняданак, абед і падвячорак праходзяць у сталовай СШ №1 г.Сянно.

У час візіту ў агульнай зале комплекса  ў міні-футбол спаборнічалі юныя барцы, выхаванцы Анатоля Рыбчанкі, і лёгкаатлеты — падапечныя трэнера Віктрара Васілёнка.  Некалькі дзяцей займаліся ў трэнажорнай зале.

Далей Вольга Вераценнікава запрасіла да сябе на заняткі па фітнэсе, што яна  праводзіць з дзяўчынкамі. Сёння гэта вельмі папулярны від фізічнай актыўнасці. Пад музыку дзяўчаты жвава выконвалі рухальныя практыкаванні з фітболам.

На другім паверсе фізкультурна-спартыўнага комплекса выхаванцы лагера  гулялі ў настольны тэніс.

Такі карысны, а галоўнае здаровы, вольны час для дзяцей – добрая альтэрнатыва камп’ютарным гульням ці прагляду тэлевізара.

Ірына ХАСАНАВА.

Здымкі аўтара.