Тэмпы палявых работ на Сенненшчыне не саступаюць сярэднеабласным паказчыкам

 Яравымі  зерневымі  і зернебабовымі культурамі на палетках грамадскіх сельгасарганізацый раёна сёлета будзе занята больш за 19 тыс. гектараў.

 Самыя высокія тэмпы сяўбы дэманструюць механізатары ААТ «Сенненскі райаграсэрвіс». На пачатак бягучага тыдня яны засеялі 604 гектары, што складае 60% ад задання. На плошчы 631 гектар праведзены пасяўныя работы ў ААТ «Бяленева», але пры заданні  2705 гектараў. Усяго па раёне па стане на 7 красавіка зерневыя і зернебабовыя культуры  высеяны на плошчы 3632 гектары, ці на 19% ад неабходнага.

Адначасова з сяўбой яравых культур у гаспадарках раёна вядуць догляд — падкормку, праполку — азімых пасеваў.