Багушэўскі кірмаш запрашае!

У суботу, 14 верасня, з 9.00 да 14.00, у г.п.Багушэўск на цэнтральнай плошчы будзе арганізаваны святочны гандаль.

 Тут можна будзе набыць садавіну, гародніну, мясныя вырабы, мёд і многае іншае. На Багушэўскім падвор’і “Восень прыпасіха” пройдзе дэгустацыя беларускіх нацыянальных страў. Завітаўшы на выстаўку-продаж вырабаў дэкаратыўна-прыкладнога мастацтва “Багушэўская скарбонка талентаў”, можна не толькі стаць удзельнікам майстар-класаў, але і набыць прыгожую рукатворную рэч.

 Добры настрой усім прысутным падораць самадзейныя артысты гарпасялковага Дома культуры, Багушэўскай дзіцячай школы мастацтваў і госці– народны ансамбль “Дабрадзеі” і калектыў “Інспектар Жуфф” ДУ “Цэнтр культуры “Віцебск”.

«ГС».