14 мая Беларусь отметит День Государственного герба и Государственного флага
14 мая Беларусь адзначыць Дзень Дзяржаўнага герба і Дзяржаўнага флага.
Гэта свята заснавана Указам Прэзідэнта ў лістападзе 1995 года і адзначаецца штогод у другую нядзелю мая. Рысы беларускай сімволікі захавалі пераемнасць дзяржаўных атрыбутаў СССР. У маі 1995 года на рэферэндуме па пытанні пра нацыянальную сімволіку больш за 75% беларусаў сказалі цвёрдае «так» менавіта гэтым варыянтам герба і флага.
Для Сенненшчыны нацыянальны сцяг нашай краіны мае асаблівае значэнне. Арнамент, што красуецца на чырвона-зялёным палотнішчы, быў вытканы нашай зямлячкай Матронай Маркевіч. У 2015 годзе ў гонар простай сенненскай майстрыхі ў цэнтральным скверы Сянна ўстаноўлены памятны знак «Родны край». Ускласці кветкі да яго ў райцэнтр штогод прыязджаюць яе нашчадкі. На жаль, цяперашні візіт пройдзе без удзелу сына Матроны Сяргееўны. Аркадзь Аляксеевіч Маркевіч памёр у сакавіку гэтага года. Яму было 89 гадоў. Але гісторыя стварэння нацыянальных сімвалаў будзе жыць у памяці сенненцаў. Пра яе ў гэтыя дні пачуюць дзясяткі хлопчыкаў і дзяўчынак. У суботу ў школах раёна прайшлі класныя гадзіны, прысвечаныя Дню Дзяржаўнага герба і Дзяржаўнага флага нашай краіны.
