14 лютага 2015 года яны стварылі сям’ю. Раман і Ірына для рэгістрацыі шлюбу невыпадкова выбралі гэты рамантычны дзень.
— Звязаць сябе вузамі Гіменея менавіта ў гэты святочны дзень вырашылі не толькі дзеля прыгожай назвы, але яшчэ і таму, што па календары ён атрымліваўся найбольш спрыяльным для сумеснага жыцця, — тлумачыць Ірына Іванова.
Знаёмства маладой пары адбылося выпадкова два з паловай гады таму назад. Ірына яшчэ вучылася ў школе. Летам вырашыла папрацаваць у сталоўцы ААТ «Белая Ліпа». У тым жа сельгаспрадпрыемстве на той момант працаваў будаўніком і яе будучы абраннік Раман. Яны сустрэліся ў абедзенны перапынак у той самай сталоўцы. Маладыя людзі пачалі сустракацца і больш ужо не расставаліся.
— Як зараз памятаю дзень, калі Раман зрабіў мне прапанову стаць яго жонкай. Адбылося гэта 12 красавіка 2014 года, з моманту нашага знаёмства не прайшло нават і года, — з хваляваннем у голасе прамовіла Ірына. — Мы гулялі па гарадскіх вуліцах, калі Раман раптоўна стаў на калена і запытаўся ў мяне, ці згодна я стаць яго жонкай і маці нашых будучых дзяцей. Ад нечаканасці на маіх вачах выступілі слёзы. Канешне ж, я нават не сумнявалася, бо кахала гэтага чалавека і жадала звязаць сваё жыццё менавіта з ім. Пасля таго, як я згадзілася, Раман надзеў мне пярсцёнак на палец.
Памятае гэты хвалюючы і адначасова рамантычны момант і Раман.
Цяпер 14 лютага стала для іх асабістым святам — Днём нараджэння іх маладой сям’і. І здаецца, формулу кахання і шчаслівага шлюбу сужэнцы ўжо знайшлі. Як адзначае сама Ірына, нармальных адносін не атрымаецца без даверу.
— Без даверу і ўзаемаразумення, — дапаўняе сваю любую Раман.
Ганна КОРСАКАВА.
Здымак з архіва сям’і Івановых.
За девять месяцев 2024 года на экспортных торгах Белорусской универсальной товарной биржи реализовано 1,9 млн…
Объем взаимной торговли продовольственными товарами и сельскохозяйственным сырьем с Азербайджаном за последние пять лет вырос…
Торжественное мероприятие, посвященное Дню учителя, прошло в районном центре культуры и народного творчества. Участие в…
Президент Беларуси Александр Лукашенко поручил вернуться к программе по развитию Полесья. Об этом он заявил…
В Палату представителей внесены проекты законов "О республиканском бюджете на 2025 год" и "О бюджете…
С 7 по 18 октября на Сенненщине пройдет республиканская информационно-пропагандистская кампания «Молодежь за безопасность!». Ее…