Овощи и фрукты с приусадебного огорода, продукция птицеводства — что еще предлагает посетителям открывшаяся на Сенненщине агроусадьба «Березки»

  Сярод аграсядзіб Сенненшчыны — папаўненне. Сёлета свае дзверы для  гасцей расчыніла сядзіба «Бярозкі». Новы аб’ект адпачынку (на здымку)  размясціўся на беразе жывапіснага Бярозаўскага возера, што ў Студзёнкаўскім сельсавеце.

Цяжка паверыць, што яшчэ гады 3-4 таму назад на гэтым месцы прывольна сябе адчувалі толькі кусты ды пустазелле. Сёння на ўчастку высіцца дыхтоўны катэдж, зелянее газон з выбрукаванымі пліткай дарожкамі. Але, бадай, галоўная славутасць — гэта від, які адкрываецца на водную прастору, і любавацца якім можна нават невыходзячы з дому, дзякуючы панарамным вокнам у агульнай гасцінай. Менавіта гэтыя краявіды ў свой час падштурхнулі сям’ю Гідрановічаў з Віцебска купіць участак у Бярозках і заняцца агратурызмам.

Адначасова ў аграсядзібе могуць размясціцца да 20 чалавек. Усе пакоі абсталяваны асобнымі санвузламі. На цокальным паверсе — утульная кухня-сталовая. Дарэчы, у меню прапануюцца гародніна і садавіна з прысядзібнага агарода, а таксама прадукцыя птушкагадоўлі. На падворку вырошчваюцца розныя віды качак, і нават экзатычныя для нашых шырот цацаркі, фазаны — усяго каля 70 галоў.

З забаў прапануюцца руская лазня, паляванне, рыбалка, катанне на лодках, катамаранах. Ужо летам тут з’явіцца пяшчаны пляж і валейбольная пляцоўка, кажа пачынаючы «аграбізнэсмэн» і вясковы жыхар Ян Гідрановіч.

Праводзячы экскурсію па катэджу, малады гаспадар з цеплынёй распавядае, што многае ў ім зроблена сваімі рукамі. Дызайн памяшканняў спалучае ў сабе дыхтоўнасць драўлянага дома і гарадскі камфорт. А ноткі даўніны дадаюць дзіўныя для сучаснікаў прадметы побыту нашых продкаў, якія ў сям’і Гідрановічаў збіраліся на працягу дзясяткаў гадоў. Прычым, усе яны ў працоўным стане, падкрэслівае Ян. Хоць цяпер уключай радыёлу 1957-га года.

Першымі гасціннасць па-сенненску ў новай аграсядзібе ўжо паспелі ацаніць турысты з далёкага Магадана. Маркетолаг па адукацыі Ян Гідрановіч упэўнены: прытоку кліентаў паспрыяе і сайт, прысвечаны аграсядзібе, які ў бліжэйшы час будзе даступны ў Інтэрнэце.

Павіншаваць з пачынам у агратурыстычнай справе ў сядзібу завітаў намеснік начальніка аддзела адукацыі, спорту і турызму Сенненскага райвыканкама Аляксандр Гардзецкі. Ён таксама пракансультаваў маладога гаспадара з асаблівасцямі заканадаўства ў сферы аграэкатурызму. Наконт змен, пра якія ў апошні час так шмат гаворыцца на ўзроўні ўрада, то яны, паводле слоў Аляксандра Аляксеевіча, пакуль яшчэ ў праекце. Умовы для жадаючых заняцца агратурызмам застаюцца ранейшымі: пастаяннае пражыванне ў сельскай мясцовасці, наяўнасць асабістага падсобнай гаспадаркі, выплата адзiнага падатковага збору ў памеры адной базавай велічыні (з 1 студзеня 2017 года яна складае 23 рублі) за каляндарны год. На канец 2016 года ў раёне дзейнічала 16 аграсядзіб.

Вольга БАНДАРЭВІЧ.

Здымкі аўтара.   

admin

Recent Posts

В память о жертвах и героях ВОВ. Серия концертов-реквиемов «Каждый третий» стартовала во Дворце Республики

Концерт-реквием "Каждый третий", посвященный памяти жертв и героев Великой Отечественной войны, увидят делегации из всех…

4 часа ago

Учащиеся Студёнковской школы приняли участие в межведомственной республиканской олимпиаде «Первая помощь»

В Витебском государственном медицинском колледже имени академика Антонова состоялся второй этап межведомственной республиканской олимпиады «Первая…

8 часов ago

Православные верующие празднуют Благовещение Пресвятой Богородицы

Православные верующие сегодня отмечают один из великих праздников - Благовещение Пресвятой Богородицы. Этот праздник установлен…

11 часов ago

Старейшина д.Лука и д.Красный Луч Богдановского сельсовета Ирина Конюшевская с общественной нагрузкой справляется на отлично!

Старейшина д.Лука и д.Красный Луч Богдановского сельсовета Ирина Конюшевская не только помогает односельчанам решать насущные…

3 дня ago

На Сенненщине прошел районный этап смотра-конкурса ЮИД

8 команд учреждений образования Сенненщины состязались в пяти конкурсных заданиях. Участники успели не только продемонстрировать…

3 дня ago

Специалисты филиала ДЭУ №38 принимают участие в подготовке автомобильных дорог к эксплуатации в весенне-летний период

Специалисты филиала ДЭУ №38 РУП “Витебскавтодор” принимают участие в подготовке автомобильных дорог к эксплуатации в…

3 дня ago