«РОЗНАКАЛЯРОВЫ ЛІСТАПАД»

Цудоўная пара восень. Нездарма ёй прысвячаюць пранікнёныя радкі паэты і пісьменнікі.

Зачароўвае прыгажосцю чырвона-жоўтае лісце, якое шамаціць пад нагамі. Але калі такой «прыгажосці» становіцца зашмат, яна ўжо не вабіць вока. І трэба прыкласці нямала намаганняў, каб школьны двор быў чыстым і ўтульным. Менавіта на гэта накіравана і акцыя «Рознакаляровы лістапад», якая праходзіць у Машканскай ДССШ. Навучэнцы прымаюць у ёй актыўны ўдзел.
Наводзіцца парадак не толькі ў школьным двары, але і ў парку, дзе ўстаноўлены помнік воінам-вызваліцелям аграгарадка Машканы. Прыбіраюць дзеці і двары дамоў, у якіх жывуць.
Прыемна працаваць на свежым паветры, любавацца прыгажосцю восеньскай прыроды, назіраць змены ў ёй перад першым зазімкам.
Вікторыя Машэра,
вучаніца 8 класа Машканскай ДССШ, член аб’яднання па інтарэсах «Голас юнага краязнаўца».
На здымку: ідзе ўборка лісця.